Nel añu 1991 l'Academia de la Llingua Asturiana, dientro de la colección Toponimia, publicó, col númberu 8, el primer cartafueyu de Samartín del Rei Aurelio, correspondiente a la collación de Santa Bárbola. L'autor del mesmu, Xulio Llaneza Fernández, quier ofrecer agora, trece años depués d'aquel asoleyamientu, los topónimos qu'apaecieron naquel llibricu, con dalgunes correcciones que-y paecieron oportunes y l'enfotu de que toles persones interesaes nesta materia puedan tener un fácil accesu a ello. La llista de los nomes qu'apaecen nesta páxina va a dir aumentándose y corrixéndose de manera sucesivo, siempre que se considere necesario, pues ye fácil suponer que nun tarán aquí absolutamente tous los topónimos y qu'además seguramente dalgunos d'ellos nun vendrán definíos cola precisión necesaria.


Los datos que figuren sobre'l númberu de viviendes habitaes y deshabitaes de cada pueblu o aldega son los del padrón de 1986. A fecha de güei queden tous ellos mui penriba de lo qu'agora tenemos, pues la población del nuestru valle nun dexó de menguar dende entóncenes pa ca.

Nin que dicir tien que cualquier informacción o suxerencia que venga de parte de los conoceores del terreno barboliego va a ser mui bien recibío.



Santa Bárbola (Of. «Santa Bárbara»): Una de les cinco parroquies del Conceyu de Samartín del Rei Aurelio. Asítiase al suroeste del Conceyu y llenda al N. con Samartín (Sotrondio), al S. col Conceyu de Mieres, al E. col Conceyu de Llaviana y Blimea y al O. col Conceyu de Llangreo. Pal presente trabayu paecíomos más afayaízo dixebrar la parroquia en fasteres, diecisiete en total, que vienen a correspondese colos pueblos de la collación anque non dafechamente.

Abareres, Les: Lo más cimero de la fastera d'EI Batán, hasta la llende con La Cerezal. Tamién se pronuncia «Abarees», y la xente de La Robellá, Veró, El Rezaleru y La Del Agua interprétalu como Les Sabareres.

Aberual, L': El monte que va dende'l castañéu de La Muezca la Bobia hasta El Picu l'Aberual, na fastera de La Cerezal, lladera de la drecha según les agües.

Ablanares, Les: Estaya en La Llosa'l Cantu de Baxo, na fastera de Los Caleyos.

Ablanarines, Les: Tierra pequeña, pegada a La Bortica. Queda encima de Les Argayaes y a la mano baxo d'EI Cascayal.

Ablanéu, L': Na fastera de Los Caleyos, na zona que llenda con El Valle les Fuentes, queda esti llugar encima d'EI Nabalín y debaxo El Colláu Fonderu.

Abonaréu, L': Onde anicia, per baxu, El Valle les Fuentes, el terrén a la izquierda de La Teyera y de La Nabaliega, visto dende enfrente.

Abunaréu, L': V. Abonaréu, L'.

Acapiellu, L': Praos en forma triangular debaxo de L'Artusu. El más altu llámase L'Acapiellu Cimeru, y el más baxu, L'Acapiellu Fonderu.

Acapiellu Cimeru, L': Debaxo de La Rozá y enriba de Los Cabañones, na zona alta de la fastera d'EI Riocerezal.

Acapiellu Fonderu, L': A la mano baxo de Los Cabañones, na zona alta de la fastera d'EI Riocerezal.

Acebal d'Enmedio, L': Prau de la fastera la Cerezal, ente El Prau de Justo y Los Felguerones.

Agüeria Miera, L': Nome antiguu de lo que dempués se llamó "La Hijuela”  y agora ye'l valle y collación de Santa Bárbola.

Alcantarillón, L': Na carretera de L'Escobal, ente La Fuente Agosta y El Cantu l'Eru, el llugar onde se topa un alcantarillón que pasa per debaxo la carretera pa desaguar la cuneta. Fastera de La Del Agua.

Alturu, L': Praos y monte nel cumal que Ilenda La Cerezal col restu de la parroquia de Santa Bárbola.

Apelañes, Les: Praos a la drecha, visto dende riba, d'EI Prau Llargu, na fastera d'EI Monte Muñero.

Argayá, L': Les tres cases más a la izquierda, visto dende enfrente, del pueblu de Perabeles, pasáu El Cantu.

Argayaes, Les: Viniendo de L'Escobal escontra La Llera, les últimes cases dempués de pasar El Cascayu. Allí divídese en dos el camín, diendo ún pa Solavega y l'otru pa La Lloseta.

Argayu, L': Prau de Los Caleyos cerca de Les Cabañes.

Arquera, L': Prau debaxo'l picu del mesmu nome, na fastera de Los Caleyos.

Arquera, L': Cachu monte y prau, na fastera d'EI Monte Muñero, a la izquierda de L'Artusu, visto dende enfrente.

Arquería, L': Na fastera de La Potoxa, debaxo d'EI Regueru Solallosa y encima d'El Carrancal. Hai una casa deshabitada.

Artusu, L': Cachu monte y prau ente l'Arquera y La Peñona, na fastera d'El Monte Muñero.

Azorea, L': Ún de los pueblinos de La Cerezal, pa riba y a la izquierda, visto dende enfrente, d'EI Costayu. Nun tien carretera y angüañu ta deshabitáu.

Barraca, La: Ente El Corralón y El Cotaraxu, prau y castañéu encima d'El Corral Nuevu.

Barreru, El: Güerta del pueblu de Perabeles, ente El Sucu la Yana y La Solana, a la mano baxo la carretera.

Barreru, El: Na fastera d'EI Rezaleru, prau ente La Bornaíca y La Llosa Nueva, a la mano baxo del camín, que lu separa d'EI Vallín.

Batán, El: Pequeñu pueblu de Santa Bárbola, na lladera drecha, según les agües, del so valle principal. Los sos anicios son relativamente modernos, non más atrás del sieglu pasáu. Hubo un batán, del que tomó'l nome'l pueblu, y un molín, del que tovía se puen ver los restos. Llégase pela carretera de La Robellá y Veró. Según el padrón municipal, hai cinco viviendes, dos d'elles habitaes. Como fastera, El Batán tien al N. Co la Iglesia; al E. La Cerezal; al S. La Robellá; y al O. Perabeles.

Baúgues, Les: Cases de llau del regueru, na fastera de La Cerezal, pa baxo un poco d'El Molín.

Bericiusu, El: Pueblu de Santa Bárbola, dientro la fastera de La Cerezal, cerca y a la mano drecha de La Espesura, visto dende enfrente. Ye aquí onde s'asitia l'antigua escuela y la capiella de La Cerezal. Nel padrón municipal podemos lleer "Vericioso» con trenta y tres viviendes en total, de les que tán habitaes ventitrés.

Berixel, El: Una güertina a la mano tras de les cases de La Xerra, nel pueblu de Los Caleyos.

Berixel, El: El terrén per onde pasa'l regueru del mesmu nome, na fastera de La Cruz.

Bilortera, La: Na fastera d'EI Riocerezal, pa riba d'El Castañéu la Lloseta y a la izquierda, visto dende baxo, de La Casiquina.

Binaes, Les: Praos, debaxo de Les Cabañes, qu'antes yeren tierres de llabor, en terrén de Los Caleyos.

Binaes, Les: Güertes, ente L'Escobal y La Fontona, a la mano baxo la caleya del mesmu nome, na fastera de La del Agua.

Bolaes, Les: Na Llosa'l Riocerezal, una estaya ente'l senderín y La Caleya'l Rebollusu, encima d'EI Rebollalón y al delláu d'EI Payarín. En 1989 cavaron nesti llugar pa ver si topaben agua, ensin resultáu positivu.

Bolguera, La: Pa baxo La Casa Cima y cerca d'El Collaín, na fastera de La Del Agua.

Borná, La: Cachu monte, encima de La Campa los Caleyos y cerca de La Peña.

Borná, La: En terrén de La Robellá.

Borná'l Cantu, La: Prau na llende ente les fasteres de Perabeles y El Riocerezal, debaxo d'El Colláu y encima la curva de la carretera al pasar per El Cantu'l Riocerezal.

Borná de Jesús [xesús], La: Llenda per baxo con El Nabalón y ta encima de La Curva'l Nabalón de Riba, de la carretera de La Polaúra. Monte Muñero.

Borná'l Macho, La: Debaxo Tretu, na zona alta onde anicia El Regueru Veró. Agora ta abierta y abandonada.

Borná Pachín, La: Cerca d'EI Picu Mayáu Robellá.

Borná Pedro, La: Na fastera de La Cruz, castañéu a la izquierda, visto dende baxo, d'El Payegón. A la mano riba tópase El Prau les Campes.

Borná'l Sellón, La: El prau que ta debaxo del repetidor de T.V. de La Colladiella, na fastera de Los Caleyos.

Borná Tomasín, La: Cerca de La Raposa, na fastera de La Cerezal.

Borná Xandrín, La: Na zona de L'Aberual pero mirando yá pa San Amiés, na parroquia de Blimea.

Bornaíca, La: Na fastera d'EI Rezaleru, finca ente El Bortaxu y La Llosa Nueva, a la mano baxo del camín que la separta d'EI Llombón.

Bornaína, La: Na fastera d'EI Riocerezal, a la mano drecha, visto dende baxo, de La Cota'l Rebollusu, escontra la zona d'EI Corral Nuevu.

Bornaína, La: Castañeos a la mano baxo la carretera, na fastera de La Robellá.

Bornaína, La: Ente los terrenos de La Seca y La Del Agua, a unos cien metros, en vertical, pa riba de La Casa Cima y a la drecha, visto dende baxo, de la Payega. Hai una casa.

Bornaíques, Les: En terrén de Perabeles, prau debaxo'l camín que va d'EI Calerón a La Valli Milaños, al poco de salir de les cases y enantes d'aportar a El Vallín.

Bornaona, La: Praos debaxo de La Forniella, na fastera d'EI Riocerezal. Aquí ye onde anicia El Regueru los Conforcales.

Bornáu de Riba, El: Dos praos con munches cotolles, encima d'El Castañéu Antonón, en terrén d'El Batán.

Bortaxa, La: Güerta del pueblu Perabeles, de llau d'EI Socorral y debaxo d'El Cantu'l Riocerezal.   

Bortaxu, El: Prau pequeñu del pueblu Perabeles, ente El Castañéu Filomena y La Vallina, a la mano riba de La Fuente'l Peral.

Bortaxu, El: Na fastera d'EI Rezaleru, finca ente El Güertu (de Julia) y La Bornaíca, a la mano baxo del camín que la separta de La Pezuca.

Bortica, La: Tierra pequeña encima de Les Argayaes (casa Maro), y a la mano baxo d'El Cascayal (casa Veli). Esta finca llenda cola de Les Ablanarines. Fastera de La Del Agua.

Borticu, El: Prau pa riba y a la izquierda d'El Tendeyón, de llau de Los Cabañones, ente los terrenos altos de Perabeles y El Riocerezal.

Bortón, El: Una estaya na llosa del pueblu de Los Caleyos.

Bortón, El: Finca del pueblu d'EI Riocerezal, a la mano baxo del camín y percima El Payarín.

Bortón, El: En La Robellá, finca debaxo de La Llosica y encima y a la drecha El Pandiquín, visto de baxo.

Bosque, El: Zona alta de la fastera d'EI Riocerezal, debaxo de La Rozá escontra la mano drecha.

Braña, La: A la drecha, visto dende baxo, d'EI Novenu. Son tres praos, ún enriba otru. Al fonderu llamábemos-y, de guah.es, «El Mapa d'España», pola so forma. A la mano riba del cimeru ye onde la lleenda cunta que s'apaeció Santa Bárbola a finales del sieglu pasáu. Ta na fastera de Co la Iglesia.

Brañes, Les: V. Braña, La.

Cabaña Fondera, La: Prau d'EI Valle les Fuentes, na so parte izquierda, visto de frente; queda ente La Payeguina y La Payega.
   
Cabaña'l Cantu, La: Prau nel cumal que fai de llende ente les fasteres de Co la Iglesia y La Cerezal, a la izquierda de Les Abareres, visto dende Perabeles.
   
Cabañes, Les: Una de les partes o barrios del pueblu de Los Caleyos, el que se topa más a la izquierda de toos, visto dende enfrente. Les cases que lu formen tán toes elles deshabitaes.

Cabañes, Les: Praos cerca de L'Acapiellu Fonderu, na fastera d'EI Riocerezal.

Cabañina, La: Cases de La Robellá, a la izquierda, según les agües, del regueru que pasa pel pueblu.

Cabañón, El: Ente El Colláu Escobal y La Casa Cima, caúna de les estayes de Los Cabañones.

Cabañones, Los: Praos ente El Colláu Escobal y La Casa Cima, a la mano riba la carretera.

Cabañones, Los: Praos debaxo de La Payega, nel valle de La Cerezal.

Cabañones, Los: La finca más alta de les que se topen debaxo d'EI Picu l'Artusu, na lladera que mira pa Perabeles y El Riocerezal.

Cabornia, La: Nel camín de L'Escobal a Les Argayaes, les cases que se topen ente La Fontona y El Cascayu, na fastera de La Del Agua.
   
Caburnu, El: Dientro la fastera de Los Caleyos, a la mano drecha, según les agües, d'El Regueru la Granxa y a la mano riba de La Payegona. Divídese en El Caburnu Riba y El Caburnu Baxo.
   
Caburnu, El: Prau de lo fondero la fastera de Perabeles, debaxo d'El Barreru, a la izquierda de Los Ribayos, y a la drecha d'El Llosetón, visto dende riba.

Caburnu Baxo, El: La parte fondera d'El Caburnu, na fastera de Los Caleyos.

Caburnu Riba, El: La parte cimera d'El Caburnu, na fastera de Los Caleyos.

Caecima, Les: Una de les partes o barrios del pueblu de Perabeles. Esti topónimu ye'l resultáu actual de lo que nel principiu habría ser, ensin dubia, «Les Cases de Cima», pues asina ye, que se topen na parte cimera del pueblu. La denominación popular correspuéndese cola oficial del padrón municipal «Perabeles de Arriba», con ventidós viviendes, de les que tán habitaes diez.

Calerón, El: Otru barriu de Perabeles, a la izquierda, visto dende enfrente, de La Llaera, y ente El Caleru per riba y El Cantu per baxo.

Caleros, Los: Praos ente La Braña y El Valle, na fastera de Co la Iglesia, anque  pertenecientes a xente de La Cerezal.

Caleru, El: Garapiellu cases, les más altes del pueblu Perabeles, na vertical d'EI Calerón y a la mano riba. Tán toes deshabitaes.

Caleya la Biná, La: V. La Caleya les Binaes.

Caleya les Binaes, La: La que va dende L'Escobal hasta Les Argayaes, dientro la fastera de La Del Agua.

Caleya'l Ci(n)güeñal, La: La qu'hai enriba El Socavón, a lo fondero del valle La Cerezal.

Caleya'l Rebollusu, La: La que va dende El Corralón hasta'l pueblu d'EI Rio Cerezal.

Caleyón, El: El camín que va a dar a L'Edráu, viniendo del pueblu d'El Rezaleru.

Caleyos, Los: El pueblu más altu, dempués de L'Edráu, de la parroquia de Santa Bárbola, na lladera izquierda, según les agües, del so valle principal. Llégase a él pela carretera que xube a La Colladiella, dempués de pasar El Colláu Escobal y La Casa Cima. Compónenlu unos cuantos garapiellos de cases, formando como barrios, que son los que siguen: El Cantu, La Xerra, El Mayáu, El Regueru, El Pueblu y Les Cabañes. Según el padrón municipal, hai en total quince viviendes, ocho d'elles habitaes. No que cinca a les fasteres, la de Los Caleyos llenda al N. coles de La Seca y La Del Agua; al E. cola d'El Valle les Fuentes; al S. col Conceyu de Mieres; y al O. cola fastera d'El Monte Muñero y col Conceyu de Llangreo.

Caleyu la Reonda, El: El que sal a El Cantu la Carba, a la izquierda de La Polaúra, visto dende baxo. Yera un atayu qu'usaben los que xubíen dende'l pueblu d'El Rezaleru.

Calices: La zona de la fastera de Co la Iglesia que va dende'l cementeriu hasta'l cruce de la carretera que tira pa La Cerezal.

Campa, La: V. Campa los Caleyos, La.
   
Campa l'Arquera, La: Nel llugar del mesmu nome, fastera d'El Monte Muñero, nel cumal que divide los valles de Santa Bárbola y Muñero. Güei ye casi inesistente; a principios d'esti sieglu yera más grande pero dempués zarráronla p'aumentar un prau.

Campa l'Artusu, La: Pasó con ella lo mesmo que cola anterior. Dende hai unos cincuenta años forma parte d'un prau. Taba ente El Picu l'Artusu y El Picu l'Arquera.

Campa'l Berizal, La: Debaxo de La Mozquita y encima de La Mayá la Señora, nel camín que va de La Encruciyá a Muñero. Tamañu medianu.
   
Campa los Caleyos, La: Na fastera de Los Caleyos, prau encima de Los Ribayones y debaxo de La Peña y de La Borná. Tamién se-y llama «El Prau la Campa» y «La Campa».

Campa Casorra, La: La que se topa nel llugar del mesmu nome a la mano riba d'EI Collaín, dientro la fastera de La Robellá.

Campa'l Cayáu, La: V. Campa'l Colláu, na fastera de La Cruz.

Campa la Ceceal, La: La que se topa nel llugar del mesmu nome, nel cumal que separa les agües de los valles de Santa Bárbola y l'aniciu del de Muñero. Ye grande y tien restos d'una ribaya que l'arrodiaba, lo que mos da a entender que d'antiguo taría zarrada.

Campa Cimera, La: Tópase nel cumal del monte, na vertical d'El Xerru'l Colladiellu, dientro la fastera d'EI Monte Muñero.

Campa'l Colláu, La: Onde ta'l repetidor de T.V. ente les fasteres d'EI Batán  y Co la Iglesia.

Campa'l Colláu, La: Pa riba de la granxa avícola, na fastera de La Cruz. Dellos llámen-y «Campa'l Cayáu».

Campa la Encruciyá, La: Co El Prau Cuetu y debaxo d'EI Picu l'Encantamientu, fastera d'El Monte Muñero. El camín que vien de La Polaúra divídese aquí en tres: ún que va pa La Campa'l Berizal, otru pa La Mozquita, y un terceru pa El Picu.

Campa Felgazo, La: La qu'hai encima d'EI Mayáu Felgazo. Ye grande y guapa con forma d'albarda. Pertenez al Conceyu de Llangreo.

Campa la Felguera, La: A la izquierda, visto dende baxo, de Les Cabañes, dempués de pasar Los Pindales, na fastera de Los Caleyos. Campa guapa con manzanilla abondo.

Campa Llabayu, La: Ente El Picu Palacio y El Picu Llabayu, nel cumal del monte, fastera de La Cerezal.

Campa Llabayu, La: Nel camín que va de La Polaúra a El Prau Matías, na lladera drecha del valle Muñero y a la izquierda, visto dende baxo, de Los Enterriegos. Ye pequeñina.

Campa la Mata, La: Na zona de La Carba la Mata, fastera de La Robellá.

Campa'l Mayáu Cimeru, La: V. Campa'l Prau Cimeru, La.

Campa'l Mayáu Curruscáu, La: Cerca del picu del mesmu nome, na fastera de La Robellá.
   
Campa Mayáu Robellá, La: Ente les fasteres de La Robellá y El Batán, debaxo de Les Campes de Medio. Ye grande y llegó a usase pa xugar a la pelota ente los rapacinos.

Campa la Mozquita, La: Ente El Cuetu la Seca y El Cuetu Cerezalona, nel cumal que divide los valles de Santa Bárbola y Muñero.

Campa'l Peralín, La: Nel lIugar del mesmu nome y debaxo de La Casorra, na fastera de La Robellá.

Campa'l Prau Cimeru, La: Lladera drecha, según les agües, del valle de La Cerezal. Ta de llau d'El Prau Arrimáu y encima d'El Rullabayu, na vertical de El Picu Llabayu.

Campa'l Prau Felguera, La: Pa riba d'EI Praón, llendando cola parroquia de Samartín, nel cumal y pa baxo de La Campa Cimera. Ye grande enforma anque últimamente ta bastante tomada polos artos y les urcies. Usóse durante munchu tiempu como campu de fútbol tanto pa los guah.es como pa los mayores.

Campa Ramirón, La: Dientro'l terreno d'EI Valle les Fuentes, la que queda a la mano riba d'El Mayáu Nuevu.

Campa'l Recuscáu, La: Lo mesmo que La Camperina.

Campa la Seca, La: Ente La Campa la Mozquita y La Campa la Ceceal, nel cumal como les otres dos. Ye pequeña y ta mui tomada poles urcies.

Campa Sotana, La: Prau enfrente de Les Argayaes, pegáu a La Teya Marcos, na lladera drecha del regueru d'EI Valle les Fuentes.

Campa les Tafurries, La: Ente El Picu Colláu Piedra y L'Ubiu, na parte izquierda de la fastera d'El Valle les Fuentes, visto de frente.

Campa'l Yanu'l Río, La: Na zona del mesmu nome, fastera de La Robellá.

Camperina, La: Tamién conocía como La Campa'l Recuscáu, queda pel ca
mín de Veró a La Campa'l Peralín, dando vista a gran parte de la parroquia. Hai poco, llantáron-y una columna d'alta tensión que-y rompió l'armonía del paisax.

Campes, Les: Na fastera d'EI Praón, finca a la mano baxo la carretera y debaxo tamién de La Llosa'l Praón y de La García.

Campes d'Enmedio, Les: Les qu'hai encima La Campa Mayáu Robellá, carba arriba, ente les fasteres de La Robellá y El Batán. Son pequeñes. Esti topónimu tamién suena «Campes de Medio».

Campeta, La: Encima de Miera y cerca de La Casuca, na llende ente les fasteres de La Cruz y La Cerezal.

Campetu, El: En El Valle les Fuentes, antigu prau, agora fechu monte, encima d'El Yanu Masera y a la mano baxo de L'Ubiu.

Campiñes, Les: Debaxo d'EI Picu Tres Conceyos, un migayu escontra la izquierda, visto dende enfrente. Son dos praos afaceraos que tienen carretera dende la parte del Conceyu de Llaviana. Tán na fastera d'EI Valle les Fuentes.

Campona, La: Prau no fondero d'El Monte Muñero, p'abaxo de L'Artusu.

Campona, La: El llugar onde ta llantada l'antena de T.V. na zona d'El Sellón, na llende ente la fastera de Los Caleyos y el Conceyu de Mieres.

Campona, La: Ente les fasteres de La Cruz y Paniceres, a la izquierda, visto dende riba, d'El Pandu.

Camporra, La: Debaxo de La Campa'l Peralín, en terrén de La Robellá.

Camporros, Los: Prau debaxo de La Güerta, ente la carretera y el camín que va de La Fuente'l Rezaleru a La Casa Nueva, na fastera de La Del Agua.

Campos, Los: Praos cerca de Los Cullús, nel valle La Cerezal.

Campu'l Colláu, El: Prau cerca de La Payega y encima de Les Vallines, na lladera izquierda, según les agües, del valle de La Cerezal.
   
Campu'l Dino, El: Prau y castañéu encima de La Fuente les Cases de Baxo, a la mano riba'l camín, que lu separa d'EI Montesín, na lladera izquierda del valle de La Cerezal.
   
Campurru, El: Na fastera de La Cerezal, a la izquierda, visto dende baxo, de La Espesura, cerca de la última casa del pueblu. Tópense na rodiada La Yana'l Payar y La Fuente Vegón.

Campurru, El: Finca cerca d'EI Llosicu, na fastera d'EI Praón.

Canal de los Rebollinos, La: V. Vallín de los Rebollinos (El Riocerezal).

Candanón, El: Prau a la izquierda, visto dende baxo d'EI Cerráu Torre, na fastera de Perabeles. Tópase a la mano riba la carretera de La Polaúra, subiendo y dempués de pasar La Curva l'Abeduriu.

Canga, La: Na fastera de La Del Agua, finca a la mano riba de La Caleya les Binaes, cerca de La Vallí Xulián, na rodiada de L'Escobal; ta debaxo de La Llosa Cima.

Canga, La: Finca de La Llosa Veró.

Canga l'Oso, La: V. «El Praúcu» (La Del Agua).

Cangal, El: Na llende ente les fasteres d'EI Batán y Co la Iglesia, castañeos y mates na lladera drecha del ríu, ente ésti y El Colláu.

Cangal de les Sayetes, El: Lo mesmo qu'el topónimu anterior.

Cangón, El: Prau cerca de La Zapatera, na fastera de Los Caleyos.

Cangón, El: Monte a la izquierda d'EI Pandiellu, visto dende riba, na lladera izquierda del valle de La Cerezal.

Cangoxa, La: Na fastera d'EI Rezaleru, finca debaxo de La Bornaíca y percima la carretera.

Cantera, La: En Perabeles, de llau de Los Nozales, a la mano baxo la caleya que va de La Fuente Rebollal a La Casuca. Hai una casa.

Cantera, La: Nel pueblu d'El Riocerezal, a la drecha, visto dende baxo, d'El Prau la Fuente, onde ta llantada la casa más alta del pueblu.

Cantera l'Escubietu, La: Na llende ente les collaciones de Santa Bárbola y Samartín, debaxo La Xerra, per onde pasa la carretera.
   
Canterona, La: Lo mesmo que La Cantera l'Escubietu.

Cantiellu, El: En El Riocerezal, güertes a la mano baxo la carretera, dempués de pasar la curva d'EI Regueru'l Riocerezal hasta que s'aporta al primer horru.

Cantiquín, El: Zona d'antiguos chamizos, debaxo El Cuetu Cerezalona, na lladera drecha, según les agües, del valle de Muñero, fastera Monte Muñero.

Cantu, El: Barriu del pueblu de Los Caleyos, al delláu la carretera, onde da la vuelta la llinia d'autobuses.
   
Cantu, El: Barriu del pueblu de Perabeles, ente La Caya y L'Argayá. Nel padrón municipal reza «El Canto» con siete viviendes, de les que tán habitaes cinco.

Cantu, El: Prau, ente los terrenos de Perabeles y El Riocerezal, tamién llamáu La Borná'l Cantu (V.).

Cantu la Del Agua, El: La llende ente les fasteres d'EI Rezaleru y La Del Agua. Tópase na caleya que sal del pueblu d'EI Rezaleru pa xubir a L'Edráu, enantes de llegar al primer regueru, nel cruce onde un ramal tira pa El Bescón (izquierda) y otru tira pa El Fontán y El Soledráu (drecha), continuando la caleya pa La Fontica.

Cantu la Carba, El: El cachu monte a la izquierda d'EI Prau la Cabaña, visto dende baxo. Per riba lIenda con El Prau Cuetu. Fastera d'EI Monte Muñero.

Cantu la Carba, El: Na fastera d'EI Riocerezal, castañéu a la izquierda, visto dende baxo, de La Mata'l Colláu Espín.

Cantu('l) Caleyu, El: El que baxa del picu que ta ente L'Ubiu y El Picu la Guarda, na fastera del Valle les Fuentes.

Cantu la Cruz, El: El que separa El Corral Nuevu de los terrenos d'EI Praón.

Cantu l'Eru, El: Ente El Rezaleru y L'Escobal, prau y castañéu a la mano baxo la carretera, onde se da vista al pueblu de L'Escobal.

Cantu l'Espineal, El: El que s'atopa ente L'Espineal y El Colladiellu, na fastera d'El Riocerezal; per riba llenda con El Xerru'l Colladiellu.
   
Cantu la Fócara, El: Encima del llugar del mesmu nome, na lladera drecha del valle de La Cerezal. Na zona per onde lu crucia la carretera, hai un sitiu onde la xente se sienta a falucar y mirar el paisax.

Cantu les Mates, El: Pueblu de Santa Bárbola, na lladera izquierda, según les agües, del so valle principal. Queda nel km. 3,5 de la carretera que xube a La Colladiella, dempués de pasar La Cochera Maruja y antes d'aportar a El Regueru, dientro la fastera d'EI Riocerezal. Nel padrón municipal apaez «Canto las Matas» con seis viviendes, habitaes les seis.

Cantu Muñón, El: Prau y picu na llende ente los Conceyos de Llangreo, Mieres y Samartín. Tamién se-y llama El Picu les Cruces. Fastera de Los Caleyos.

Cantu'l Nabal, El: Cerca y debaxo d'EI Prau Matías, na fastera d'El Monte Muñero.

Cantu'l Nabalón, El: Ente El Nabalón y La Carba la Llosona, cerca de L'Edráu.

Cantu'l Prau Reúndu, El: Onde se topa'l prau del mesmu nome, nel valle La Cerezal.

Cantu Reguerón, El: Prau que se topa ente El Pandu Cabu y La Teya Marcos, na fastera d'EI Valle les Fuentes.

Cantu'l Riocerezal, El: El que separa les fasteres de Perabeles y El Riocerezal ente La Casuca y Les Dieces.

Cantu la Valle'l Molín, El: El que separa les fasteres de Co la Iglesia y El Batán, debaxo de La Campa'l Colláu.

Cantu les Viesques, El: Prau que queda pa baxo del pueblu Veró y a la mano riba de Los Praúcos y d’El Pandu l’Abayuetu.

Cantu Xerru, El: En terrén de Perabeles, ente El Castañéu y La Llaera, onde se pue ver un xalé nomáu «Cuatro Caminos».
   
Cantu los Xiblicos, El: Na zona de Los Xiblicos, ente La Campa la Seca y La Ceceal. El nome vien del ruíu que fai l'aire al pasar pellí y xeringar les urcies y berices.

Cantulexu, El: Cachu monte debaxo de La Texera, na lladera izquierda, según les agües, del valle de Muñero, en terrén yá del Conceyu Llangreo.

Capilla, La: El nome del sitiu onde s'asitia la capiella del valle La Cerezal, nel pueblu d'El Bericiusu.

Carba, La: Cachu monte a la drecha, visto dende baxo, d'El Rullamosa, y a la mano riba d'El Pelgón, na fastera de Los Caleyos.

Carba Ambroxo, La: La que se topa a la mano drecha, visto dende riba, d'El Prau Matías, en terrén d'El Monte Muñero.

Carba'l Collaín, La: Cerca de La Campa'l Peralín y La Camporra, na fastera de La Robellá.

Carba les Galleres, La: V. Monte les Galleres, El.

Carba la Guarda, La: Tola costanera debaxo d'El Picu la Guarda ente les fasteres de Veró y d'El Valle les Fuentes. Famosa poles mines de montaña de principios y mediaos de sieglu.

Carba Llabayu, La: La de debaxo'l picu y la campa del mesmu nome, nel valle de La Cerezal.

Carba la Llosona, La: A la mano baxo la carretera de La Polaúra, xubiendo, dempués de pasar El Cantu'l Nabalón y antes d'aportar a L'Edráu.

Carba la Mata, La: La que se topa ente La Xerra'l Vegón y la parte riba d'El Mayáu Curruscáu, na fastera de La Robellá.

Carba los Nabalones, La: La que ta a la mano drecha, visto dende baxo, de La Vallina la Ceceal, na fastera de Los Caleyos.

Carbona, La: En terrén d'El Rezaleru, prau pa riba d'El Fontán y encima del camín que va a El Soledráu.

Carcabón del Pandu, El: A la mano baxo de La Llosa de la Robellá, ente ésta y El Río, na parte onde van dar los desagües del dichu pueblu.

Carcabones, Los: Na fastera de La Del Agua, ente El Cantu l'Eru y el regueru que baxa d'El Colláu Escobal.

Carcabones, Los: Na fastera de La Cerezal.

Carrancal, El: Na llende ente les fasteres de La Cruz y La Potoxa, na lladera izquierda d'El Río según les agües. Llégase per un camín que sal de La Cuesta la Estaca. Hai una casa.

Carrera, La: Un prau arrimáu debaxo de La Fuente I'Edráu, en terrén d'EI Rezaleru.

Carril, El: Una finca encima del pueblu d'El Praón.

Cas(es) de Baxo, Les: Ún de los pueblos de La Cerezal. Tópase namái pasar El Montesín, xubiendo pela carretera que vien de Co la Iglesia. Nel padrón municipal vien rexistráu como «Casas de Abajo» con dieciocho viviendes, diez d'elles habitaes.

Casa Baxo, La: Unes cuadres qu'hai enantes d'aportar al pueblu de L'Edráu viniendo de baxo pel camín o pela carretera.

Casa Cantera: Na fastera de Co la Iglesia, una casa sola, de planta y dos pisos, na oriella riba la carretera, ente la Iglesia y La Curvona, debaxo mesmo de La Granxa.

Casa Gil [xil]: Na fastera de Co la Iglesia, una casa sola, de planta y dos pisos, na oriella superior de la carretera, onde ta'l cruz nel que anicia'l ramal que va pa La Cerezal y pa La Robellá-Veró.

Casa Riba, La: Unes cuadres no cimero'l pueblu de L'Escobal.

Casa Sanvís: La que se topa debaxo de La Curva'l Cantu les Mates y encima d'El Molín. Agora ta abandonada.

Casanueva, La: Pueblu de la collación de Santa Bárbola, na lladera izquierda, según les agües, del so valle principal, dientro la fastera de La del Agua. Tópase nel km. 5,8 de la carretera que xube a La Colladiella, dempués de pasar El Rezaleru y antes d'aportar a El Colláu Escobal. Cunta con once viviendes.

Casarón, El: Una parte del pueblu de Perabeles, ente El Prau Llamargu y La Güerta la Caya.

Cascayal, El: A la mano riba de La Bortica y de Les Ablanarines, na rodiada de Les Argayaes.

Cascayu, El: Na fastera de La Del Agua, les cases que se topen ente La Cabornia y Les Argayaes, na caleya que vien de L'Escobal.

Cascayu, El: Praos pa riba de Los Fontanes, na rodiada de La Espesura. Valle de La Cerezal.

Cases de Riba, Les: Les más altes del pueblu de La Robellá, nel estremu de la izquierda, visto dende enfrente.
   
Casiquina, La: Encima d'EI Castañéu la Lloseta y a la izquierda de La Bilortera, visto dende baxo, na fastera d'EI Riocerezal. Antiguamente hubo allí una casa.
   
Casorra, La: Debaxo El Picu Mayáu Curruscáu, en terrén de La Robellá. Hubo allí casa y «borná» a la mano tras de la mesma. Agora tovía se pue notar la ribaya que zarraba la «borná».
   
Castañéu, El: Prau encima de La Fuente la Riega'l Turnu y a la izquierda, visto dende baxo, del regueru que vien de La Valli Tenobia. Fastera de Perabeles.

Castañéu Antonón, El: Prau y castañéu debaxo d'EI Picu Mayáu Robellá, na fastera d'El Batán.

Castañéu Baxo, El: Debaxo de La Poza, pegao yá al ríu na fastera d'El Rezaleru.

Castañéu del Cantu, El: En terrén d'El Riocerezal, el castañéu que va dende El Regueru hasta La Curva'l Cantu'l Riocerezal.

Castañéu Filomena, El: Dientro del pueblu Perabeles, el que se topa ente La Regüelta la Casuca, perriba, y El Xuegu los Bolos, per baxo.

Castañéu les Fontines, El: El que ta nel llugar del mesmu nome, a la izquierda, visto dende baxo, d'El Cerráu, na fastera d'El Batán.

Castañéu Gelo [xélo], El: Nos terrenos d'El Rezaleru, cerca d'El Cantu La Del Agua, el castañéu que se topa a la mano baxo de la caleya que lu separa d'EI Payegu.

Castañéu de la Lloseta, El: Na fastera d'El Riocerezal, el que se ve na zona alta de La Lloseta y debaxo de La Casiquina.

Castañéu (In) Siertu, El: Na fastera La Del Agua, el que se topa a la izquierda d'El Prau Peñán y a la drecha de La Casa Nueva, visto dende enfrente.

Castañéu'l Nabalín, El: Onde anicia la fastera de Los Caleyos, dempués de pasar Solavega, na llende con El Valle les Fuentes y La Del Agua.

Castañéu la Paré, El: A la izquierda, visto dende baxo, d'El Rullamosa, dellau de La Polea y debaxo d'EI Besquetín, na fastera de Los Caleyos.

Castañéu de la Vallina'l Trabe, El: Nel llugar del mesmu nome, ente El Praúcu Baxo y El Falcón, p'abaxo'l pueblu Veró y escontra La Robellá.

Casuca, La: Ún de los barrios del pueblu de Perabeles, na so parte alta y a la mano drecha de Les Caecima, visto dende baxo. Nel padrón municipal apaez como entidá de población formada por siete viviendes, de les que cuatro tán habitaes.

Casuca, La: Na fastera de La Cruz, dos cases, una más pa riba que la otra, a la izquierda de La Nespral, visto dende baxo.

Casuca, La: Unes cuadres qu'hai enriba mesmo de La Pezuca, en El Rezaleru.

Casuques, Les: Una de les finques de La Llosa Veró.

Caya, La: Ún de los barrios del pueblu de Perabeles, ente El Casarón y El Cantu. Apaez nel padrón municipal como entidá diseminada de población con cinco viviendes, de les que tán habitaes cuatro.

Cayáu, El: Cerca de La Corriona, ente les fasteres d'El Praón y La Cruz.

Cebales, Les: Nel valle de La Cerezal, praos cerca de La Borná Tomasín.

Ceceal, La: El cachu monte a la izquierda de Los Xiblicos, visto dende baxo. Nel cumal llenda cola fastera de Muñero, siendo ahí onde se puen ver los restos de la ribaya que mos da a entender que fo trabayao antiguamente.

Cerezal, La: Valle de la parroquia de Santa Bárbola, el mayor de tolos secundarios, que se xunta al principal pela mano drecha, según les agües, nel pueblu de La Cruz. Nun hai pueblu dalgún que se denomine La Cerezal, siendo esti nome'l que val p'axuntar a tolos que se topen nesti valle: La Gallega, El Montesín, Les Cases de Baxo, La Teyera, La Riega, El Bericiusu, L'Azorea, El Costayu, La Espesura, Los Pedrazos, La Fócara, La Nespral, El Socavón... Toos ellos, quitando los dos caberos, fueron dependientes, no relixoso, de la parroquia de Blimea, hasta que nos años cincuenta d'esti sieglu, pasaron a Santa Bárbola, a la que correspuenden naturalmente no xeográfico. Les llendes de La Cerezal como fastera son: al N. la fastera de La Cruz y la parroquia de Blimea; al E. esta mesma parroquia y el Conceyu de Llaviana; al S. tamién el Conceyu de Llaviana; y al O. les fasteres de Veró, La Robellá, El Batán, Co la Iglesia y La Potoxa.

Cerezaleta, La: Nel terrén de Veró, prau a la mano baxo de La Campa Tretu.

Cerezaletes, Les: Prau na zona alta del valle de La Cerezal, llendando yá cola fastera Veró.

Cerezalines, Les: Prau cerca de L’Azorea, na lladera izquierda, según les agües del terrén de La Cerezal.

Cerezalines, Les: Na fastera d'El Praón, unos castañeos pa riba y a la drecha de La Minuca, visto dende baxo.

Cerezalona, La: En terrén de Co la Iglesia, finca a la drecha, visto dende baxo, de La Granxa, llendando per baxo y per riba cola carretera.

Cerezu, El: Nel pueblu Perabeles, güerta pequeña, al delláu'l camín, ente El Sofontán y La Vallina.

Cerramén, El: Los praos de debaxo mesmo de La Capilla, na zona de El Bericiusu, valle de La Cerezal.
   
Cerramén, El: En terrén de Perabeles, una güerta llana ente El Vallín y El Fonticu l'Argayón, a la mano riba'l camín que va d'El Calerón a La Valli Milaños.

Cerraón, El: Cerca de Los Payegones, na fastera d'El Batán.

Cerráu, El: Dientro, yá, de la collación de Samartín, prau na lladera drecha d'El Río, ente L'Escubietu y Miera Medio, que se topen na lladera la manzorga.

Cerráu, El: En terrén d'El Batán, prau a la mano riba d'EI Batán y a la izquierda de Les Llamargues, visto dende enfrente.

Cerráu, El: Na fastera del valle de La Cerezal, un prau delláu d'El Campu'l Colláu.

Cerráu, El: Prau debaxo y a la mano drecha, visto dende riba, de La Payega, na fastera d'El Riocerezal.

Cerráu Arnesta, El: V. Mata Arnesta, La.

Cerráu Milio, El: V. Mata Milio, La.

Cerráu Torre, El: Prau na rodiada de La Vallina l'Edráu, que, visto dende baxo, queda a la mano drecha d'El Candanón ya la izquierda de La Mata Milio, dientro la fastera de Perabeles.

Co la Fuente: Güerta de Perabeles que crucia la carretera y que se topa debaxo d'El Xuegu los Bolos y a la izquierda de L’Eru'l Peral, visto dende riba.

Co la Iglesia: Una de les fasteres de Santa Bárbola, onde s'asitia la ilesia parroquial de la mesma. Tópense dientro d'ella llugares como El Fresneal, La Predrera, La Chabola, La Nieta, El Llagar, La Granxa y El Molín. Toos ellos, quitando esti caberu, apaecen oficialmente nel padrón municipal como «Santa Bárbara» con trenta y siete viviendes, de les que tán habitaes ventitrés. La fastera de Co la Iglesia llenda al N. con La Potoxa; al E. con La Cerezal; al S. con El Batán; y al O. con Perabeles, El Riocerezal y El Praón.

Cochera Maruja [marúxa], La: La curva de la carretera d'onde sal el ramal que tira pa El Praón y Llabayos; queda ente les de La Curvona y la d'El Cantu les Mates.

Cocines Glories, Les: Zona de la carretera ente El Cantu l'Eru y la escuela del pueblu de L'Escobal.

Colladiellu, El: Prau pa baxo d'EI Picu l'Arquera, na lladera drecha, según les agües, del valle de Muñero.
   
Colladiellu, El: Na fastera d'El Riocerezal, prau encima d'El Colláu Espín. Aquí ye onde anicia La Canal de los Rebollinos, que va a dar a El Regueru'l Riocerezal.

Collaín, El: Finca debaxo de La Casa Cima y cerca de La Bolguera, na fastera de La Del Agua.

Collaín, El: Praos cerca d'El Peralín y debaxo de El Picu'l Mayáu Curruscáu, onde anicia la pista pa El Prau Soldáu. Fastera de La Robellá.

Colláu, El: Prau allargáu en vertical que se topa debaxo mesmo de La Campa'l Colláu, na llende ente les fasteres d'El Batán y Co la Iglesia.

Colláu, El: Praos y castañeos pa riba un poco de La Casuca, na llende ente los terrenos de Perabeles y El Riocerezal.

Colláu Escobal, El: Pueblu de Santa Bárbola, na lladera izquierda, según les agües, del so valle principal, dientro la fastera de La del Agua. Tópase nel km. 5,9 de la carretera que xube a La Colladiella, dempués de pasar La Casanueva y antes d'aportar a La Casacima. Cunta con venti viviendes. Oficialmente apaez como «El Collado Escobal».

Colláu Espín, El: Na fastera d'El Riocerezal, prau a la mano riba d'El Colláu Flecha y debaxo d'El Colladiellu.

Colláu Flecha, El: Encima de La Cuerria'l Trapón y de La Payega, en El Riocerezal.
   
Colláu Fonderu, El: Na parte la fastera Los Caleyos que llenda con El Valle les Fuentes, el que se topa pa riba L'Ablanéu y a la mano baxo d'El Naréu.

Collica, La: Prau cerca d'El Prau la Pará, na fastera de Los Caleyos.

Compra, La: Una de les estayes dientro La Llosa Veró.

Conforcales, Los: La zona per onde pasa'l regueru del mesmu nome, na fastera d'El Riocerezal.

Cordal, El: Los montes que zarren pel oeste el valle de La Cerezal, ente El Picu Focal y La Xerra Vegón. Nesta fastera ye popular un refrán que diz: «La nube pel Cordal, corderinos pal corral; la nube per La Peña, corderinos riivos d'ella».

Cordedera, La: Prau, na fastera de La Del Agua, a unos 200 m. del pueblu de Les Argayaes, a la mano baxo de la caleya que va a Solavega.

Cordedera, La: Ente Los Ribayones, per riba, y La Praería de la Mayá, per baxo, na fastera de Los Caleyos.

Cordedera, La: Finca nel pueblu de Perabeles nel vallín que forma La Reguera la Pieza ente La Yana Perabeles y La Llosa'l Valle.

Cordedera, La: Un prau a la drecha de Los Payegones, visto dende riba, na zona fondera d'El Praón.

Corderea, La: Tamién se pue oyer asina «La Cordedera» de Les Argayaes. (Vid).

Coronica, La: A la mano riba de La Felguera, na fastera de Los Caleyos. Hubo aquí una teyera.

Corrá, La: Una de les partes del pueblu de Perabeles, na oriella izquierda, según les agües, de La Reguera la Pieza. Hai una panera mui bien conservada con dibuxos xeométricos nes sos puertes.

Corral del Bayuetu, El: Les primeres cases del pueblu de Veró, llegando dende La Robellá. Tamién val pa referise a tol pueblu de Veró. Nel padrón municipal apaecen por separao. Oficialmente «Corral de Bayueto» cunta namás que con dos viviendes, les dos deshabitaes.

Corral Nuevu, El: Garapiellu cases a la drecha d'El Corralón y a la izquierda d'El Praón, visto dende enfrente. Fastera d'El Riocerezal anque na llende cola d'El Praón.

Corralón, El: Pueblu de la fastera d'El Riocerezal, encima mesmo d'El Cantu les Mates. Hai una escuela con un aula de preescolar y ciclu d'aniciu
pa los rapacinos de Co la Iglesia, El Riocerezal y Perabeles. Nel padrón
municipal apaez con ventidós viviendes, trece d'elles habitaes.

Corralón, El: La casa más alta del pueblu de Perabeles, pa riba de Les Caecima.

Corriona, La: Castañéu debaxo de La Llosa la Fuente, na fastera d'El Praón,
y encima mesmo de La Fuente'l Cayáu.

Cortorial, El: Prau pa riba de La Payegona, nel valle de La Cerezal.

Corvatos, Los: El llugar onde ta'l cementeriu de la collación, na zona de Calices, fastera de Co la Iglesia.

Costayu, El: Pueblu del valle La Cerezal, escontra baxo y a la mano drecha de L'Azorea, visto dende enfrente. Nel padrón municipal vien «El Costayo» con once viviendes, deshabitaes toes elles.

Costona, La: El cachu monte encima d'onde naz El Regueru'l Pontón, na zona alta de la fastera d'El Riocerezal.

Cota'l Rebollusu, La: Castañéu enriba mesmo de la escuela d'El Corralón, no arrimao, y tamién el cachu prau onde el terrén enllana. El Riocerezal.

Cotaraxu, El: Prau na zona de La Xerra los Cotaraxos, ente les fasteres d'El Valle les Fuentes y Los Caleyos.

Cotaraxu, El: Prau del valle de La Cerezal, na so lladera drecha, según el correr del agua.

Cotaraxu, El: Na llende ente los terrenos d'El Praón y El Riocerezal, pa riba d'El Corral Nuevu. Hai una casa y un horru.

Covaracha, La: Un prau nel vallín d'El Cuscáu, ente La Robellá y Veró.

Cruz, La: Pueblu de la parroquia de Santa Bárbola, nel km. 2 de la carretera Sotrondio - Los Caleyos. Nel padrón municipal apaez con cuarenta y nueve viviendes, habitaes cuarenta d'elles. Como fastera abarca tamién los núcleos de La Estaca, Miera, La Nespral, La Restinga y El Socavón. Tien llendes coles de Paniceres, La Cerezal, La Potoxa y El Praón. Asina mesmo llenda pel E. cola parroquia de Blimea y pel O. cola de Samartín.

Cruces, Les: Un prau a la izquierda, visto dende enfrente, d'El Praascón, na fastera de Los Caleyos.

Cuarteles, Los: Nel pueblu de La Cruz, bloque de viviendes iguaes pa los mineros, na oriella drecha del ríu, debaxo mesmo de Miera.

Cubu, El: Na fastera d'El Riocerezal, ente El Cantu la Carba y El Vallín de los Rebollinos, a la mano baxo de la mata L'Espín.

Cuerria Marica, La: Na fastera de Veró, prau ente El Pandu l' Abayuetu, perriba, y El Río per baxo.

Cuerria'l Trapón, La: Un castañéu a la mano riba del pueblu d'El Riocerezal, debaxo y a la drecha, visto dende enfrente, d'El Cubu.

Cuerries de Piedra, Les: Prau baxo'l camín ente El Cantu y L'Argayá, en terrén de Perabeles. Foi castañéu hasta hai unos 29 años y había dientro d'él dos cuerries na so parte más llana.

Cuesta, La: Una estaya grande na fastera d'El Rezaleru a la mano baxo la carretera que la separa d'El Barreru. Llenda con La María García pel lladral de Perabeles.

Cuesta la Estaca, La: Na carretera nel llugar del mesmu nome, ente les fasteres de La Cruz y La Potoxa.

Cuesta l'Hincháu, La: La primer cuesta de la carretera de Santa Bárbola, al poco de salir d'El Pontón en terrén de la parroquia de Samartín.

Cuesta la Iglesia, La: La que tien la carretera principal de la parroquia, enforma arrimada, ente Casa Gil y La Curvona. Xubiendo per ella, a la drecha llevántase la ilesia de la collación.

Cuesta'l Nabalón, La: La que tien la carretera de La Polaúra na zona del mesmu nome, na parte alta de la fastera de Perabeles.

Cueta, La: Una estaya de La Llosa'l Riocerezal, encima de L'Eru'l Río.

Cueta Veró, La: Na fastera de Veró, cerca de Los Grilleros.

Cuetu Cerezalona, El: El que se topa nel cumal, na llende ente les fasteres de La Seca y El Monte Muñero, ente La Campa la Mozquita y La Campa la Seca. Hai un prau dividíu en dos estayes.

Cuetu Cerezalones, El: Lo mesmo que l'anterior.

Cuetu Formigueru, El: Prau d'El Valle les Fuentes na zona de Los Formigueros.

Cuetu Quemáu, El: Ente La Curva'l Tendeyón y El Nabalón pela carretera de La Polaúra. Hai un prau con una cuadra pequeña.

Cuetu la Seca, El: El que se topa ente La Campa la Mozquita y La Campa la Encruciyá, na llende ente los terrenos de La Seca y El Monte Muñero.

Cueva'l Rebollón, La: Prau cerca de La Payega, na fastera de La Robellá.

Culláu Espín, El: Nel valle de La Cerezal, a la mano riba d'El Costayu, na llende colos terrenos de Co la Iglesia. Hai un prau. Tamién-y dicen El Cullú Espín.

Cullús, Los: Praos del valle La Cerezal, pa baxo d'El Pandiellu y cerca de La Vega.

Curruscáu, El: Al poco d'entamar la pista que va a El Prau Soldáu, ente La Robellá y Veró.

Curuxíes, Les: Castañéu de la lladera izquierda del valle La Cerezal, a la mano drecha d'El Montesín, visto dende baxo.
   
Curva l'Abeduriu, La: Primer nome de La Curva'l Soledráu, na carretera La Polaúra. Cuando se fexo ésta nel añu 1970, el maquinista yera gallegu, siendo él el primeru que la bautizó al cuntar a los vecinos que tuviera trabayando un día enteru «allá onde la curva l'abedorio»; polo visto yera l'árbol el culpable de lo malamañoso que taba'l trabayar allí. La espresión gallega quedó de rechifla unos cuantos años; dempués acabó por asturianizase'l nome de la curva. Della xente entá la sigue llamando «Curva del Abedorio».

Curva l'Edráu, La: La que fai la carretera de La Polaúra, de 180°, cerca del pueblu de L'Edráu. Debaxo de la curva tópase El Prau Solhorro.

Curva'l Nabalón de Riba, La: La que topamos a continuación de l'anterior, xubiendo, tamién de 180°.

Curva'l Soledráu, La: La que fai la carretera de La Polaúra na zona d'El Soledráu, de 180°. Tamién se-y llama La Curva l'Abeduriu. (Vid).

Curva'l Tendeyón, La: La que fai la carretera de La Polaúra, de 180°, ente la de L'Edráu y la d'El Soledráu.
   
Curves del Escubietu, Les: Tres curves pequeñes qu'hai nel llugar del mesmu nome, nel km. 1 de la carretera, en terrén de la parroquia de Samartín.

Curvona, La: Curva de 180° que se topa debaxo d'El Cantu les Mates y encima d'El Molín, fastera de Co la Iglesia.

Chabola, La: En terrén de Co la Iglesia, dientro de la zona de La Nieta, el llugar onde se topaben, antiguamente, la panadería y, más reciente, la cartería.

Charcón, El: Prau con una llana que ta detrás d'El Molín de Salvadora, na fastera de La Robellá.

Debaxo Casa: Una estaya d'El Rezaleru que ta debaxo casa de Carola y a la drecha, según les agües, d'El Güertu (de Julia).

Del Agua, La: Nome d'una fastera de la parroquia que llenda coles d'El Rezaleru (N.), La Seca (O.), Los Caleyos (S.), El Valle les Fuentes (S.E.) y Veró (E.). Dientro d'ella tenemos les entidaes de La Casa Cima, La Casa Nueva, El Colláu Escobal, L'Escobal, La Paré, La Seca l'Agua y La Vallica l'Agua. Esta fastera ye especialmente abondosa en regueros, lo contrario de La Seca cola que llenda pela mano riba.

Dieces, Les: Na fastera d'El Riocerezal, los castañeos que se topen a la mano riba la carretera, ente El Cantu'l Riocerezal y La Reguerina'l Colláu.
   
Edráu, L’: El pueblu más altu de la parroquia, cerca de La Polaúra. El padrón municipal de 1986 reza «El Edrado» con tres viviendes vacíes y una habitada.

Encruciyá, La: Prau cerca de la campa del mesmu nome, en terrén del Monte Muñero. Tópase encima de Los Enterriegos y debaxo El Picu l'Encantamientu.

Ente los Regueros: Debaxo d'El Pandu les Cruces, nuna zona onde se xunten los regueros, na parte fondera de Los Caleyos.

Enterriegos, Los: Tres praos de la fastera d'El Monte Muñero, a la mano baxo de La Encruciyá y de El Cuetu la Seca. Riéguense coles agües que vienen d'El Vallín de los Enterriegos, de La Fuente los Enterriegos y de La Fuente'l Berizal.

Enterríos Sereales, Los: Onde se xunten dos regueros pa riba d'El Molín de Bárbola, nel valle de La Cerezal.

Enverniz, La: A la drecha de Les Vallines, visto dende baxo, y cerca de La Vega, na fastera de La Cerezal. Tamién se-y llama La Enverniz de la Vega.

Eru, L': Lo mesmo que L'Eru la Cabaña.

Eru, L': Una estaya de La Llosa'l Riocerezal, ente'l senderín y el regueru, encima de La Cueta y debaxo mesmo del pueblu.

Eru Baxo, L': La parte fondera de La Llosa'l Valle, en Perabeles.

Eru Baxo, L': Una estaya dientro la llosa del pueblu de Los Caleyos.

Eru la Cabaña, L': Otra estaya dientro de la llosa del pueblu de Los Caleyos.

Eru'l Peral, L': En Perabeles, les güertes qu'hai ente La Fuente'l Peral y El Pueblu, a la mano riba la carretera. Tópense allí tres cases.

Eru la Portiella, L': A lo fondero de la llosa de Los Caleyos, cerca de La Pezuca.

Eru'l Regueru, L': Nel vallín del Cuscáu, ente La Robellá y Veró.

Eru Riba, L': La parte cimera de La Llosa'l Valle, en Perabeles.

Eru Riba, L': Nel pueblu de Perabeles, les tierres de debaxo La Llosa la Casuca y encima d'El Sofontán. Llenda pela izquierda, visto dende baxo, con La Reguera la Pieza.

Eru'l Río, L': De los dos vallinos qu'hai ente los pueblos de La Robellá y Veró, el más averáu a La Robellá.

Eru'l Río, L': Enriba El Prau Portiella, en La Llosa'l Riocerezal, ente'l caminín y el regueru.

Erucu, L': Una estaya dientro de la llosa del pueblu de Los Caleyos.

Escobal, L': Un de los pueblos de la parroquia, na fastera de La Del Agua, debaxo d'El Colláu Escobal. Nel padrón municipal vien «El Escobal» con ventiocho viviendes, habitaes trece d'elles.

Escubietu, L': Ente Miera Medio y La Xerra, de llau del ríu, en terrén de la parroquia Samartín.
   
Espesura, La: Pueblu de la parroquia, na fastera de La Cerezal, cerca y a la izquierda d'El Bericiusu, visto dende enfrente. Apaez nel padrón municipal con venticinco viviendes, de les que tán habitaes quince.

Espesuru, L': Na fastera de La Del Agua, cerca de la llende cola de Los Caleyos; llámase asina lo que ta a la izquierda de Tres el Pandu, visto dende baxo, a la mano riba del camín que va a La Payegona. Hai allí un prau mui arrimáu, llamáu El Praúcu o La Canga l'Oso.

Espineal, L': Na fastera d'El Batán, castañeos al delláu d'El Xerru la Cueva, a la mano drecha d'El Regueru Castiellu, visto dende enfrente, y debaxo del camín que va a La Campa'l Colláu.

Espineal, L': Prau onde anicia El Regueru'l Pontón, na zona alta d'El Riocerezal.

Espineres, Les: A la mano riba de la carretera, nel vallín d'El Cuscáu, fastera de Veró.

Estaca, La: Lo último de la fastera de La Cruz, al llau del río, enantes d'aportar a la de La Potoxa. Nel padrón municipal apaez con una vivienda vacía o de temporada.

Estayona, La: Nel valle de La Cerezal, ente Los Praales y L'Azorea.

Estrellaúriu, L': Na lladera drecha de La Cerezal, praos debaxo d'El Picu Llabayu y encima y a la izquierda de Les Vallines.

Estrencha, La: Prau ente El Marquesón y La Cantera, debaxo mesmo de La Fuente'l Rebollal, en Perabeles.

Faéu, El: Ente La Vega y Los Praones, na rodiada d'El Yanu Faéu, fastera de La Cerezal.

Falcón, El: Tol castañéu de la parte cimera d'El Vallín del Cuscáu, en Veró.

Fayarosa, La: La zona alta ente La Carba la Guarda y El Picu Tres Conceyos, na fastera d'El Valle les Fuentes. Hai dalgunos fayeos pequeños.

Fayéu la Vara, El: El que se topa na zona de La Vara, valle de La Cerezal.

Felguera, La: Cerca de La Campa la Felguera, en terrén de Los Caleyos.

Felguerón, El: Praos debaxo de La Cabaña, na lladera de la drecha, según les agües del valle de La Cerezal, ente L'Acebal d'Enmedio y La Borná Tomasín.

Felguerones, Los: Lo mesmo que l'anterior.

Finlandia: Prau debaxo del pueblu de Veró y enfrente de Les Argayaes. Zarrólu Maro les Argayaes y bautizólu él d'esa manera.

Focales, Los: Praos del valle La Cerezal, na so lladera izquierda, según les agües, na zona d'El Picu Focal.

Fócara, La: Na lladera drecha del valle de La Cerezal, ente La Nespral y Los Pedrazos. Hai unes cases deshabitaes.

Folguerón, El: Vid. El Felguerón.

Follerón, El: Prau de la fastera Veró a la izquierda d'El Pandu Cabu, visto de frente. Siempre había nel camín munchu barru, hasta que s'empedró hai unes décades.

Follerón de la Caya, El: En Perabeles, el llugar onde anicia la carretera de La Polaúra.

Fondoná, La: Pa baxo de La Cabornia, na rodiada de L'Escobal. Ente esti llugar y El Prau Escobal, taba El Molín del Escobal.

Fontán, El: Una mata encima de La Casuca, en terrén d'El Rezaleru.

Fontanes, Los: Unos praos debaxo mesmo de Les Cas(es) de Baxo, na lladera de la izquierda del valle de La Cerezal.

Fontanes, Los: El terrén que ta enriba mesmo del pueblu de La Espesura.

Fontanones, Los: Prau debaxo d’ El Picu l'Artusu, na lladera del valle de Muñero. No fondero, xunto al camín, sal La Fuente los Fontanones.

Fontica, La: Na fastera de La Robellá, mata a la mano baxo de la Campa Mayáu Robellá. Puen vese dellos ocalitos.

Fontica, La: Na fastera de El Riocerezal, un prau ente El Cotaraxu y El Corralón. Allí sal la fonte del mesmu nome.

Fontica, La: La fonte que sal nel llugar anterior.

Fontica, La: Na llende ente El Rezaleru y La Del Agua, onde hai unos fontanes pal ganáu, na caleya que xube a L'Edráu. Ta cerca d'El Payegón.
   
Fonticu, El: Bebederu pal ganáu, na caleya'l pueblu L'Escobal, debaxo mesmo d'El Fuyu.

Fonticu l'Argayón, El: Na zona de La Valli Milaños, na llende ente les fasteres de Perabeles y El Rezaleru. Ye una fontina que cuerre mui poco pero que nunca se seca.

Fontines, Les: Detrás de La Fuente de Crez y Mengua, onde ta'l depósitu del agua que va pa La Cruz, nel pueblu d'El Batán.

Fontines, Les: Prau debaxo de La Rozá, na fastera de Los Caleyos.

Fontines, Les: Prau cerca de La Borná, en terrén de La Robellá.

Fontiques, Les: Prau cerca de la Borná, en terrén de La Robellá.

Fontona, La: Fonte que sal a la izquierda d'El Regueru la Granxa, según les agües, enfrente mesmo de La Fuente'l Fierro, na llende ente les fasteres de Los Caleyos y La Del Agua.

Fontona, La: La fonte que sal en El Prau la Fiesta, na fastera de Co la Iglesia.   Cuerre muncho, naciendo a ras del suelu en llano. Na so agua enfriábase la bebida de los chigres mientres duraba la Fiesta'l Pote.

Fontona, La: La fonte qu'hai nel camín ente L'Escobal y Les Argayaes. Los paisanos antiguos cuntaben que taba comunicada col Río Muñero pues si s'echaba ponxa nesti ríu al otru día salía per La Fontona.

Fontona, La: Prau encima d'El Bescón y a la izquierda, según les agües, del regueru que baxa de La Polaúra. Fastera de La Del Agua.

Formigueros, Los: Cinco o seis praos arrimaos d'El Valle les Fuentes, na so lladera izquierda según les agües.

Formigueru, El: Caúna de les estayes de Los Formigueros, dientro d'El Valle les Fuentes.

Forniella, La: Dos praos debaxo de La Peñona, na zona alta de la fastera d'El Riocerezal.

Foxacón, El: Prau cerca del pueblu de Los Caleyos.

Foxacones, Los: Debaxo mesmo del pueblu de L'Azorea, nel valle de La Cerezal.

Frera, La: Una estaya dientro La Llosa L'Escobal.

Fresneal, El: Les cases que se topen ente El Prau la Fiesta y La Potoxa, a la mano baxo de la carretera. Fastera de Co la Iglesia.

Fuente L'Acebu, La: La que sal en El Bescón del Acebu, en terrén d'El Valle les Fuentes.
   
Fuente Agosta, La: Esta fonte surde pa baxo de La Casa Nueva, a la mano riba de la carretera que va d'El Rezaleru a L'Escobal. L'agua ta coyío pa L'Escobal.

Fuente l'Arquera, La: Fastera d'El Monte Muñero. Sal nel monte, debaxo d'El Picu l'Arquera, aniciándose nella El Vallín de los Mayaones. Cuerre mui poco.

Fuente l'Azorea, La: Na rodiada del pueblu de L'Azorea, valle de La Cerezal. Corría muncho pero lleváronla les mines.

Fuente Benitón, La: Na fastera de La Del Agua, la que sal en La Payeguina, a la mano baxo d'El Bescón.
   
Fuente'l Berizal, La: La que sal cerca de La Campa'l Berizal, en terrén d'El Monte Muñero. El so agua llévase a vegaes per una presa a regar el prau de los Enterriegos.

Fuente'l Bescón, La: Sal en El Bescón de Ludevina o Bescón de Riba, na fastera d'El Valle les Fuentes.

Fuente la Borná Xandrín, La: Nel llugar del mesmu nome. Lleváronla les mines a mediaos d'esti sieglu.

Fuente'l Caleru, La: Surde a la mano riba d'El Prau Caleru, cerca d'El Prau Valle, na fastera de Co la Iglesia.

Fuente la Caleya, La: Naz a la oriella la carretera ente Les Caecima y La Casuca. Hai un bebederu pal ganáu y l'agua va a dar a La Reguera la Pieza. Dende hai unos años gárrase lo sobrante y per una tubería baxa hasta los bebederos d'El Sofontán.

Fuente la Caleya, La: Tamién se llamaba asina la qu'antiguamente salía na caleya que diba dende La Corrá hasta La Caya, nel pueblu de Perabeles.
   
Fuente la Campa, La: Surde a la mano baxo la carretera ente El Corralón y La Fuente'l Rebollal, na parte alta de Perabeles. Nel iviernu de 1980 garróse-y l'agua pa llevalo al cercanu depósitu d'El Marquesón.

Fuente'l Campón, La: Otru nome de La Fuente la Faya, en El Valle les Fuentes.

Fuente'l Cangón, La: Nel llugar del mesmu nome, lladera izquierda del valle de la Cerezal. Cuerre perpoco.

Fuente'l Cantu, La: Cerca del pueblu de L'Azorea, en La Cerezal. Lleváronla les mines a mediaos d'esti sieglu.

Fuente les Cas(es) de Baxo, La: Naz debaxo mesmo de El Campu'l Dino, cerca de la carretera, ente los pueblos de Les Cas(es) de Baxo y El Montesín.

Fuente'l Castañéu, La: Sal nel llugar del mesmu nome, na caleya que va dende El Cantu Xerru a La Valli Tenobia, fastera de Perabeles. Ye agua fino, de pizarru, polo que ye más apreciada que la de la Valli Tenobia, un poco más arriba.

Fuente'l Cayáu, La: Debaxo mesmo de la Corriona sal esta fonte, na fastera d'El Praón cerca la llende con la de La Cruz.

Fuente Cerezal de Picu, La: La que surde en El Nabal del Cuxu, dientro'l terrén de la Robellá.
   
Fuente'l Cerráu, La: Al delláu d'El Cerráu Arnesta, a la izquierda, según les agües, del regueru de la Riega'l Turnu. A mediaos de la década de los 80 garróse-y l'agua pal depósitu nuevu de Perabeles, en El Marquesón.

Fuente los Cirigüeyalinos, La: Salía esta fonte pa riba un poco y a la izquierda de la Fuente'l Rebollal. Fo la primera que se garró pa baxala per una tubería hasta el llavaderu de La Reguera la Pieza, en Perabeles. Agora va al depósitu d'El Marquesón.

Fuente'l Colláu, La: Naz en El Colláu, cerca la llende con Perabeles, anque dientro del terrén d'El Riocerezal. Nella ye onde anicia La Reguerina'l Colláu.

Fuente'l Cortorial, La: Sal nel llugar del mesmu nome, na lladera izquierda del valle de La Cerezal.

Fuente de Crez y Mengua, La: La más cercana al pueblu d'El Batán. Cuerre muncho, anque hai vegaes en que mengua ensin más nin más y de secute hasta secase, entamando dempués a crecer y tornar otra vegada a char con normalidá. Dellos creen que ye'l mar el causante d'estos fechos.

Fuente'l Cuetu Formigueru, La: Naz nel prau del mesmu nome, na zona de Los Formigueros, terrén d'El Valle les Fuentes.
   
Fuente'l Edráu, La: Xubiendo per El Caleyón, dende El Rezaleru a L'Edráu, tópase esta fonte un poco enantes d'aportar al pueblu de L'Edráu. Tien un llavaderu y una pila pal ganáu. Cuerre poco.

Fuente los Enterriegos, La: Sal no cimero'l prau del mesmu nome (el de Clemen). Ye agua fino, de pizarru, y mui frío, polo que pasa por ser la más apreciada de toles qu'hai na rodiada de La Polaúra.

Fuente los Enterríos Sereales, La: Na zona del mesmu nome, nel valle de La Cerezal.
   
Fuente la Enverniz, La: Na zona del mesmu nome, cerca del regueru. Antes salía a la mano riba'l regueru pero agora pasáronla a la mano baxo y l'agua yá nun ta tan frío. Lladera drecha del valle de La Cerezal.

Fuente la Escudiella, La: La que se topa debaxo mesmo de La Xerra'l Regáu, al pie del camín. Fastera d'El Monte Muñero.

Fuente la Espesura, La: La que sal nel pueblu del mesmu nome, en La Cerezal. Hai allí un llavaderu públicu que yá nun s'emplega.

Fuente la Espesura, La: Sal a la mano drecha, visto dende baxo, d'El Regueru la Granxa, y a la mano riba de L'Espesuru, na fastera de La Del Agua. Tien un llavaderu públicu, agora abandonáu. Allí llavaben les moces de La Seca l'Agua y yera mui renomáu ente los mozos n'edá de cortexar. Había una copla mui conocida que dicía: «Fuente la Espesura, quién te paseara, en algunos tiempos pe La Seca l'Agua».

Fuente la Faya, La: Un prau debaxo de La Llosa'l Cantu de Baxo, na fastera de Los Caleyos.
   
Fuente la Faya, La: Esta fonte naz debaxo una faya, na zona ente Les Xanes y El Picu los Cotaraxos, en El Valle les Fuentes. Tamién-y llamen algunos La Fuente'l Campón.
   
Fuente'l Fierro, La: Sal na oriella drecha, según les agües, d'El Regueru la Granxa, debaxo de La Payegona, na fastera de Los Caleyos. Ye d'agua amargo pero melecinoso.
   
Fuente'l Fierro, La: Surde a lo fondero d'El Prau Regueru, pa riba d'El Prau Matías, na fastera d'El Monte Muñero. Ve agua melecinoso igual que lo de l'anterior.

Fuente de Fierro de la Candamia, La: En terrén d'El Praón, percima de La Fuente Robleo. Tien agua melecinoso pol fierro que lleva.

Fuente los Fontanes, La: Encima mesmo de La Espesura, nel llugar de Los Fontanes, fastera de La Cerezal.
   
Fuente los Fontanones, La: Sal a lo fondero'l prau del mesmu nome, col camín, na lladera drecha, según les agües, del valle de Muñero. Tien un bebederu pal ganáu.

Fuente les Fontines, La: Cerca del pueblu d'El Batán y nel llugar nomáu Les Fontines. Garráron-y l'agua pal depósitu de La Cruz.
   
Fuente'l Fresnu, La: Encima de los praos d'El Picu, nel camín, y debaxo de El Picu l'Encantamientu, na fastera de La Seca. Son fontanes pal ganáu que nun anicien regueru dalgún.

Fuente les Fuentes, La: Sal nel prau de Les Fuentes, na parte alta del mesmu Valle les Fuentes.

Fuente la Galleguina, La: La que se topa nel llugar del mesmu nome, na lladera izquierda, según les agües, del valle de La Cerezal.
   
Fuente la Granxa, La: La qu'hai a la izquierda, según les agües, del regueru del mesmu nome, na llende ente les fasteres de Los Caleyos y La Del Agua.

Fuente'l Granxu, La: Apaez nel prau del mesmu nome, na parte baxa d'El Valle les Fuentes.

Fuente'l Granxu la Pedreguera, La: La que naz a lo fondero del prau del mesmu nome, en El Valle les Fuentes. L'agua ye lo que riega El Prau Grande.
   
Fuente'l Güevu, La: D'agua sulfuroso, sal na mina d'El Socavón, fastera de La Cruz.

Fuente la Llascarina, La: La que apaez a la mano baxo de Les Galleres, abasteciendo les sos agües la traída del pueblu Veró.

Fuente la Llascarina, La: Surde a la mano baxo de La Vallica l'Agua y l'agua de so va a la traída del pueblu Les Argayaes.

Fuente la Llera, La: La que sal en La Llera, a pocos metros del ríu. Agora garráron-y l'agua pal depósitu de La Cruz. Fastera de La Del Agua.

Fuente los Llimaces, La: Pa riba de La Granxa, per onde pasa El Regueru los Llímaces, ente les fasteres de Los Caleyos y La Seca.
   
Fuente les Maeres, La: Ye la fonte más alta de tola parroquia de Santa Bárbola y de tol Conceyu de Samartín. Ta en Les Maeres, debaxo d'El Picu Tres Conceyos, nos terrenos d'El Valle les Fuentes.
   
Fuente María García, La: Nel llugar del mesmu nome, ente los terrenos de Perabeles y d'El Rezaleru. Había allí un llavaderu qu'usaba la xente de L' Argayá.

Fuente'l Maruquín, La: Sal nuna zona monticia de terrén casi llano, cerque d’el Río Maruquín, na fastera de La Espesura. Ta coyío’l so agua pa la traída de los pueblos de La Cerezal. *Nel cartafueyu asoleyáu pola A.Ll.A. apaez enquivocadamente la so ubicación nel pueblu d’El Montesín.

Fuente Mateo, La: Sal en La Casa Cima, a la mano baxo de la carretera. Tien un bebederu pal ganáu y anicia allí La Reguera la Casa Cima.

Fuente'l Mayáu Nuevu, La: La del prau del mesmu nome, en terrén d'El Valle les Fuentes, cerca de la zona de La Carba la Guarda.
   
Fuente'l Mofusu, La: La que brota a la mano riba del antigu prau d'El Mofusu, en El Monte Muñero. Ye agua de pizarru, fino y mui apreciao.

Fuente'l Molín de Bárbola, La: Nel llugar del mesmu nome, fastera de La Cerezal.

Fuente'l Molinón, La: Cerca d'El Molinón, al pie mesmo d'El Río, na oriella izquierda según les agües. Fastera de Perabeles.

Fuente la Mosteya, La: La que sal na lladera drecha d'El Rullamosa, según les agües, enfrente de La Payegona, que queda na lladera izquierda, too ello dientro la fastera de Los Caleyos. Garráronla pal depósitu d'agua de La Robellá.

Fuente la Nabaliega, La: Sal nel llugar del mesmu nome, na parte baxa d'El Valle les Fuentes.

Fuente'l Nabalón, La: Surde nel prau d'El Nabalón, ente El Cuetu Quemáu y La Carba la Llosona, na parte alta de la fastera de Perabeles. Lleváronla les mines hai cuantayá.

Fuente Paulón, La: Dientro la fastera de La Del Agua, a la mano baxo la carretera que va a La Colladiella, pa riba un poco de La Casa Cima. Paulón fo'l paisanu que la arregló col fin de poder sirvise d'ella, a mediaos d'esti sieglu.

Fuente'l Peral, La: Onde la xente del pueblu de Perabeles diba coyer agua secularmente, hasta principios de la década de los sesenta en que se baxó per una tubería La Fuente de los Cirigüeyalinos, que corría más. Nesa mesma décaya féxose un depósitu y metióse l'agua nes cases. A principios de los setenta lleváronla les mines.

Fuente la Polaúra, La: Sal en La Polaúra al pie de la carretera, onde anicia'l ramal que va pa La Encruciyá. Nun cuerre muncho pero daba bon agua, frío enforma, hasta que por mor de la carretera pasóse per un tubu saliendo a la otra oriella col agua ya más caliente.

Fuente'l Praal, La: Nel llugar de Los Praales, lladera izquierda del valle de La Cerezal. Yeren dos fontes y lleváronles les mines.

Fuente'l Praón, La: Cerca del pueblu d'El Praón, debaxo de La Minuca y de la carretera. Tien un llavaderu que ya nun s'utiliza.

Fuente'l Praón, La: Una de les fontes d'El Valle les Fuentes.

Fuente'l Prau Cardeal, La: Na zona de La Mayá Cardeal surde esta fuente; fastera de Los Caleyos.

Fuente'l Prau Escobal, La: Brota na caleya, ente les dos estayes d'El Prau Escobal, dientro la fastera Veró.

Fuente'l Prau Grande, La: La que surde en El Prau Grande, dientro d'El Valle les Fuentes.

Fuente'l Prau Llamargu, La: La que naz nel mesmu Prau Llamargu, dientro'l terrén de La Robellá. Cuerre abondoso, anque ye d'agua malo, llamargoso.

Fuente'l Prau('I) Ratu, La: La que naz nel llugar del mesmu nome, cerca de El Molín de Bárbola, na fastera de La Cerezal.

Fuente'l Prau Soldáu, La: La d'El Prau Soldáu, na zona de Les Abareres, fastera d'El Batán.
   
Fuente'l Prau Vegón, La: Debaxo d'El Pandiellu, na lladera izquierda, según les agües, del valle de La Cerezal. Tamién se-y llama La Fuente'l Vegón.

Fuente los Praúcos, La: Fuente que sal nel llugar del mesmu nome, a lo fondero de La Vallina la Ceceal, fastera de Los Caleyos.

Fuente'l Prauscón de Puchamare, La: Fuente a la mano baxo de La Peña, dientro la fastera de Los Caleyos.

Fuente'l Rapusu, La: Na fastera Veró, nun prau llamáu La Presa, a la drecha d'El Regueru les Casuques, visto dende baxo.

Fuente'l Rebollal, La: Sal na carretera de La Polaúra, encima d'El Marquesón, onde anicia'l camín que va pa La Casuca, na parte alta del pueblu de Perabeles. Cuerre muncho, garrándose parte del so agua pa los depósitos de Perabeles y de La Casuca.

Fuente'l Rebollón, La: En terrén de Los Caleyos, la que sal per un tubu vertical na oriella riba la carretera, cerca yá de La Colladiella.

Fuente'l Rebolláu, La: La que brota nel mediu'l prau d'El Rebolláu, dientro la fastera El Rezaleru.

Fuente'l Rebullu Caíu, La: La que sal nel llugar del mesmu nome, a la mano riba'l camín, na parte alta de la fastera de Perabeles. *Nel cartafueyu de l’A.Ll.A. figura enquivocadamente Rebollu en llugar de Rebullu.
   
Fuente la Reguerina, La: Salía nel llugar del mesmu nome, ente La Fócara y Los Pedrazos, valle de La Cerezal. Ye una más de les que llevaron les mines.

Fuente'l Reguerón, La: Surde cerca del regueru del Valle les Fuentes, na zona que se denomina El Reguerón, que ye la más fondera.

Fuente'l Rezaleru, La: Ta al delláu mesmo del regueru, nel camín que va pa La Casa Nueva. Hai un Ilavaderu que yá nun s'utiliza. Yera la fonte onde coyíen los d'El Rezaleru hasta que se fexo la traída nos años sesenta.

Fuente la Riega'l Turnu, La: Naz en Les Caecima al pie del regueru. Hai unos años analizáron-y l'agua y dio que taba contaminao, catalogándola como d'agua non potable.

Fuente Robleo, La: Onde naz El Regueru Robleo, na llende ente la fastera d'El Praón y la parroquia de Samartín.

Fuente'l Sapu, La: En El Vescón del Vallín, a la entrada de Les Cabañes viniendo d'El Cantu, nel pueblu de Los Caleyos.

Fuente'! Sapu, La: L'antigua fonte del pueblu d'El Riocerezal. Salía cerca del regueru, pa riba un cachu de la caleya. Dempués secó y años más tarde apaeció un poco más abaxo. Agora cuéyese nun depósitu que la xente usa muncho pa llavar los coches.

Fuente Solavega, La: La que sal a la mano baxo de Solavega, al pie del ríu, cerca de La Llera, na fastera de La Del Agua.
   
Fuente'l Texíu, La: En terrén yá del Conceyu de Mieres. Sal debaxo del prau del mesmu nome y ye nomáo'l so agua en tola paroquia de Santa Bárbola polo frío.

Fuente la Teya Marcos, La: Sal nel prau del mesmu nome, en El Valle les Fuentes.

Fuente Tres la Xerra, La: La qu'apaez nel prau de Tres la Xerra, pegao a L'Espineal, en terrén d'El Batán.

Fuente'l Tretu, La: Sal en El Pinganellón, pa baxo d'El Picu Tretu, a la izquierda, según les agües, de La Borná'l Macho, na zona alta de Veró.

Fuente la Vallina, La: Fuente que sal en monte na zona de La Vallina la Ceceal, fastera de Los Caleyos.

Fuente la Vara, La: Na zona del mesmu nome, lladera drecha, según les agües del valle de La Cerezal.

Fuente la Valli Tenobia, La: Naz nell lugar del mesmu nome, na parte alta de Perabeles. Los antiguos decíen que'l so agua daba carraspera siendo muncho más fino y sano lo de La Fuente'l Castañéu, un poco más abaxo.

Fuente'l Vasu, La: Surde na sebe d'El Prau Medio, nel camín que va pa Los Mayaones, fastera d'El Monte Muñero. Ta mui baxa y pa beber hai que se valir d'un vasu; de hí'l so nome.

Fuente Vegallonga, La: Sal nel llugar del mesmu nome, fastera de La Cruz. L'agua d'ella va per una tubería debaxo'l ríu hasta'l llavaderu que se topa na otra oriella.

Fuente'l Vegón, La: Lo mesmo que La Fuente'l Prau Vegón.

Fuente'l Venceyero, La: Naz en El Venceyero, enfrente d'El Escubietu, na lladera drecha del ríu, según les agües, en terrén de la parroquia de Samartín.

Fuente la Vieya, La: Sal nel llugar del mesmu nome, cerca d'El Prau los Cotaraxos, na lladera drecha, según les agües, de la fastera de Los Caleyos.

Fuente la Vía, La: La que surde al delláu de l'antigua vía que diba a La Torba, dientro'l terrén de Co la Iglesia y na oriella drecha d'El Río.

Fuente los Yanos, La: Naz nel prau del mesmu nome, en El Valle les Fuentes, pela so parte baxa.

Fuente la Yanuca, La: Una de les fontes d'El Valle les Fuentes.

Fuente les Xanes, La: Sal nel prau del mesmu nome, en El Valle les Fuentes, nuna rodiada cuasi máxica. El so agua arrastra piedrines pequeñes de carbón.

Fuentes, Les: Prau debaxo de Les Maeres y de Les Pionaes, en El Valle les Fuentes.

Fuxacu, El: Praos a la mano drecha, visto dende baxo, y un poco escontra riba, de La Capilla, na lladera izquierda de la fastera de La Cerezal.

Fuyu, El: Praos encima mesmo del pueblu L'Escobal, a la mano riba de la caleya y debaxo La Llosa Cima.    .

Gallega, La: Ún de los pueblos de La Cerezal, el primeru que se topa a la mano baxo de la carretera, viniendo de Co la Iglesia. Hasta 1918 too aquello yera una castañéu, datando d'entóncenes la construcción de la primer casa. El nome del castañéu tamién yera La Gallega, polo que nun se debe pensar nos nuestros vecinos del Miño pa buscar l'aniciu d'esti topónimu. Nel padrón municipal apaez con nueve viviendes, seis d'elles habitaes.

Galleguina, La: Llugar a la mano drecha, visto dende riba, de La Gallega. Había allí una fonte que llevaron les mines. Por estensión llamóse asina tamién al atayu que pasaba pequí pa dir a El Puzu'l Socavón.

Galleres, Les: Praos a la drecha, según les agües, d'El Regueru Veró, y a la mano baxo la caleya. Pa dividiles fálase de «la de baxo» y «la de riba».

García, La: Ente Les Campes y La Llosa'l Praón, na fastera d'esti últimu nome.

G(r)omiales, Los: Prau ente Los Mayaones y El Prau Llargu, debaxo d'El Picu l'Arquera, na lladera drecha, según les agües, del valle de Muñero.

Granxa, La: Na fastera de Veró, prau ente Les Hinariegues per riba, y El Prau Escobal per baxo.

Granxa, La: La zona ente Les Peñes del Casar, per riba, y La Serruchina,  per baxo, en terrén de La Del Agua.

Granxa, La: Na fastera de Co la Iglesia, dos cases a la oriella la carretera, ente La Curvona y La Cochera Maruja.

Granxu, El: Praos debaxo de La Teya Marcos y encima de La Nabaliega, en terrén d'El Valle les Fuentes.
   
Granxu la Pedreguera, El: Na fastera d'El Valle les Fuentes, prau a la mano riba d'El Mayaín. A lo fondero tien una fonte que riega col so agua El Prau Grande.

Granxucu, El: Prau cerca d'El Granxu, en El Valle les Fuentes.

Grilleros, Los: Praos, ente los que se topa «Fi(n)landia», na parte baxa de la fastera Veró. Queden ente Les Casuques y La Cueta Veró.

Güerta, La: En El Praón, una pumarada debaxo mesmo del pueblu y de la carretera, pegada al muru d'ésta.

Güerta, La: En El Rezaleru, la que se topa debaxo casa Carola, co El Güertu (de Julia). Tamién se-y llama Debaxo Casa.
   
Güerta, La: Prau a la mano riba de Los Camporros, na fastera de La Del Agua, ente'l camín d'El Bescón, per riba, y el de La Fuente'l Rezaleru, per baxo.

Güerta la Caya, La: Estaya del pueblu de Perabeles, ente La Caya y El Casarón.

Güerta'l Maíz, La: Praín pequeñu, na oriella izquierda del ríu, según les agües, enfrente d'El Molín de Salvadora, ente'l puente y El Puzu'l Molinón; fastera de Perabeles.

Güerta'l Molín, La: El llugar onde se topaba El Molín del Riocerezal, na oriella drecha, según les agües, del regueru y a la mano baxo de la carretera.

Güerta la Romería, La: Nome antigu d'El Prau la Fiesta, onde se celebren les fiestes patronales de la parroquia.

Güerta Robleo, La: Finca que se topa a la mano riba d'El Carril, en terrén d'El Praón.

Güerta San Bartolomé, La: Lo mesmo que La Güerta la Romería y qu'El Prau la Fiesta. San Bartolomé ye'l santu patrón de les fiestes de la parroquia, que se celebren la última selmana d'agostu.

Güertu, El: En El Rezaleru, el que se topa a la izquierda, visto dende riba, de La Güerta.

Guirilleros, Los: Tamién se pue oyer asina «Los Grilleros», na fastera del pueblu Veró.

Hijuela [ixwéla], La: Nome del actual valle y collación de Santa Bárbola, mui popular hasta mediaos del presente sieglu.

Hinariegues, Les: Na fastera Veró, prau y castañéu, ente Solacasa per riba, y El Prau Escobal per baxo.

Llaera, La: En Perabeles, ente El Cantu Xerru y El Calerón. Hai una vivienda.

Llagar, El: Na fastera de Co la Iglesia, les cases que se topen ente La Chabola y El Molín.

Llamargones, Los: Prau, agora fechu monte, debaxo de La Campa la Encruciyá y a la izquierda d'El Picu, visto dende riba. Fastera Monte Muñero.

Llamargues, Les: Prau debaxo de L'Arquera, en terrén de Los Caleyos.

Llamargues, Les: Prau debaxo d'El Picu la Ceceal y del camín que va de La Campa la Ceceal a Felgazo, na lladera izquierda, según les agües, del valle de Muñero.

Llamargues, Les: Praos ente La Robellá y El Batán, per onde pasa la carretera.

Llamarguina, La: Prau d'El Valle les Fuentes, cerca y debaxo d'El Mayáu Nuevu. Había aquí, nos años trenta, un llavaderu pal carbón de les mines de La Carba la Guarda.

Llamera, La: Una de les estayes de Les Llameres, en La Cerezal.

Llameres, Les: Praos encima d'El Pandiellu, na lladera izquierda del valle de La Cerezal.

Llamerona, La: Na fastera d'El Praón, unos castañeos a la mano baxo de La Payega Rebollal.

Llanca, La: Prau cerca y debaxo d'El Pandu Cabu, en El Valle les Fuentes casi llendando cola fastera de Veró.

Llera, La: Campa llana en forma de rectángulu, na oriella izquierda del ríu y cerca de Solavega, fastera de La Del Agua. Usóse muncho como campu de fútbol.

Llera, La: Prau cerca de Les Fontiques, en terrén de La Robellá.

Llerón de Lisa, El: La estaya llana qu'hai en La Cruz na rodiada de la panadería.

Llerón del Estanqueru, El: Na fastera de Paniceres, prau grande y llanu, na oriella izquierda del ríu, según les agües.

Llimanales, Los: Prau a la mano baxo d'El Picu, na llende ente les fasteres de La Seca y La Del Agua.
   
Llomba la Verde, La: Ente Los Xerricos y Tretu. El so cumal ye más altu que El Picu Tretu. Divide'l valle de La Cerezal del restu de la parroquia de Santa Bárbola.

Llombón, El: Na fastera d'El Rezaleru, prau ente La Pezuca y El Vallín, a la mano riba'l camín, que lu separa de La Bornaíca.

Llosa les Cabañes, La: La que pertenez a Les Cabañes, una de les partes del pueblu de Los Caleyos.

Llosa les Caecima, La: En Perabeles, la que se topa ente Les Caecima, per riba, y El Casarón y El Prau Llamargu, per baxo; a la mano drecha de La Reguera la Pieza, según les agües.
   
Llosa'l Cantu, La: La de la rodiada d'El Cantu, una de les partes del pueblu de Los Caleyos. Divídese en La Llosa'l Cantu de Riba y La Llosa'l Cantu de Baxo.

Llosa'l Cantu de Baxo, La: La parte fondera de La Llosa'l Cantu, en Los Caleyos.

Llosa'l Cantu de Riba, La: Lo cimero de La Llosa'l Cantu, en Los Caleyos.

Llosa la Casuca, La: En Perabeles, debaxo de La Casuca y encima de L'Eru Riba.

Llosa Ciano, La: Los praos que tán encima de Casa Gil na fastera de Co la Iglesia.    .
   
Llosa Cima, La: Dientro de La Del Agua, la que se topa a la mano riba de les cases del pueblu de L'Escobal.

Llosa l'Escobal, La: La qu'hai a la mano baxo'l pueblu de L'Escobal.

Llosa'l Corralón, La: La que se topa ente Les Caecima, per baxo, y El Corralón, per riba, na parte alta de Perabeles.

Llosa Fernández, La: Nome antigu de La Llosa Les Caecima, en Perabeles.

Llosa'l Costayu, La: Na rodiada del pueblu del mesmu nome, na lladera izquierda, según les agües, de la fastera de La Cerezal.

Llosa la Fuente, La: La que se topa ente El Regueru Robleo y el pueblu de El Praón.

Llosa del Mayáu, La: La que pertenez a El Mayáu, ún de los barrios del pueblu de Los Caleyos.

Llosa Nueva, La: En El Rezaleru, la que ta ente El Barreru y La Valli Milaños, a la mano baxo del camín que la separa de La Prialona.

Llosa la Paré, La: Cerca d'El Costayu, na lladera izquierda, según les agües, del valle de La Cerezal.

Llosa'l Praón, La: Encima y a la drecha, visto dende baxo, del pueblu d'El Praón.

Llosa Riba, La: En terrén d'El Rezaleru, les güertes ente El Vallín y La Pezuca la Carreña, encima de La Prialona.

Llosa'l Valle, La: Llosa de Perabeles que va dende El Prau Llamargu hasta'l ríu, y dende La Reguera la Pieza a El Prau la Riega.

Llosa Veró, La: Debaxo y a la izquierda de Veró, según les agües. El fastial de la izquierda tien estayes con nomes como: La Lloseta, La Canga, La Llosica, Los Guirilleros, Les Casuques, La Compra...

Lloseta, La: Debaxo de La Seca'l Agua, onde hai una casa con antoxana y horru. Col coche éntrase per Les Argayaes.

Lloseta, La: Na parte más fonda de Perabeles, llendando cola fastera de Co la Iglesia, caúna de les dos estayes qu'hai ente El Prau Llosetu y el pueblu d'El Molín, na oriella izquierda del ríu, según les agües. Encima d'elles y separaos por un caminucu tán El Llosetón y El Caburnu.

Lloseta, La: Na rodiada de L'Escobal, finques ente La Llosa Cima y La Caleya la Biná.

Lloseta, La: La finca que ta pegada a la casa de Nedina, nel pueblu d'El Praón.

Lloseta, La: Na fastera d'El Riocerezal, el terrén a la drecha, visto dende baxo, de La Reguerina'l Colláu, que lu separa de Les Dieces.

Lloseta, La: Una de les estayes de La Llosa Veró.

Llosetes, Les: Les que tán ente El Molín y El Prau Llosetu, na oriella izquierda del ríu, según les agües; parte fondera de Perabeles.
   
Llosetón, El: En Perabeles, lo que se topa a la mano baxo la carretera, ente La Solana, per riba, Les Llosetes, per baxo, El Caburnu a la drecha según les agües, y Co la Fuente a la izquierda.

Llosetu, El: Finca de la rodiada del pueblu de L'Escobal.

Llosica, La: Una de les estayes de La Llosa Veró.

Llosicos, Los: Prau na rodiada del pueblu d'El Montesín, na lladera izquierda, según les agües, del valle de La Cerezal.

Llosicu, El: Finca d'El Praón, cerca de La García.

Llosona, La: Praos encima d'El Montesín, ente Les Curuxíes, a la drecha, y El Campu'l Dino, a la izquierda, visto dende baxo.

Llosona, La: Tamién nel valle de La Cerezal pero na lladera de la drecha, según les agües, cerca d'El Prau Berregusu.

Llosona, La: Pa baxo de Los Mayaones, cerca del Río Muñero.

Maea, La: La zona ente L'Azorea y El Costayu, nel valle de La Cerezal.

Maeres, Les: Debaxo mesmo d'El Picu Tres Conceyos. Hai un fayéu y un prau. Fastera d'El Valle les Fuentes.
   
María García, La: Na llende ente Perabeles y El Rezaleru, unos castañeos a la mano baxo de la carretera y d'El Muro Blancu. Había allí un llavaderu pa la xente de L' Argayá.

Marquesón, El: Prau de Les Caecima onde ta llantáu'l depósitu d'agua pa Perabeles.
   
Mata, La: La que se topa ente L'Escubietu y La Cantera l'Escubietu, dientro la collación de Samartín, na lladera izquierda, según les agües, del ríu de Santa Bárbola.

 Mata Arnesta, La: Na parte alta de Perabeles, castañéu ente El Cerráu Torre y Los Sombreales, Ilendando per riba con La Carba la Llosona. Tamién se-y llama La Mata Milio, pues ésti fo, asinamesmo, dueñu d'ella, enantes de que pasare a poder d'Arnesta.

Mata los Canteros, La: La que queda encima de L'Espineal, llegando hasta la drecha de La Forniella, visto dende baxo. Fastera d'El Riocerezal.

Mata Casaín, La: Una mata pequeña encima de La Payega, en terrén d'El Praón.

Mata'l Colláu Espín, La: La que ta encima d'El Colláu Flecha, en terrén de El Riocerezal.

Mata Milio, La: Véase Mata Arnesta, La.

Mata'l Nabalón, La: Pasáu El Cantu'l Nabalón, xubiendo pela carretera de La Polaúra, la que se topa a la mano riba de la carretera; a la mano baxo queda La Carba la Llosona.

Mata'l Novenu, La: La que se topa ente El Novenu y La Braña, a la mano baxo del camín, mirando yá pa la fastera de Co la Iglesia.

Mata Pachón, La: Dientro'l terrén de la fastera d'El Riocerezal, la parte fondera de La Cota'l Rebollusu, que queda un poco pa riba de la